Rrëfimi i 15-vjeçares: Ia mbatha nga martesa me shkuesi, në sy të familjes isha e vdekur


Jasvinder Sanghera nga Derby por me origjinë indiane, ka rrëfyer për “BBC” makthin e jetës së saj, se si ajo mundi t’ia mbathte ndërkohë që familja dëshironte ta martonte që në moshën 15-vjeçare.

Atë e kyçën në një dhomë prindërit e saj kur ishte vetëm 15 vjeç, pasi refuzoi të martohej me njeriun që ata kishin zgjedhur për të. Ajo rrëfen se si ia mbathi me ndihmën e një se si ia mbathi me ndihmën e një të dashuri sekret dhe si rezultat i kësaj humbi të gjitha kontaktet që kishte me familjen e saj.

Ne nuk kishim liri ndërkohë që rriteshim. Na ruanin në gjithçka që bënim në mënyrë që të mos të turpëronim nderin e  familjes.

Kur isha 14 vjeç prindërit më treguan fotografinë e burrit që i isha premtuar që në moshën 8-vjeçare. E pashë foton de mendova me vete: Ky qenka më i shkurtër se unë dhe shumë më i madh në moshë.

Por në dinamikën e familjes tonë ne ishim mësuar të qëndronim të heshtur, që do të thotë se familja ime më hoqi nga shkolla dhe më burgosi në shtëpinë time.

Më mbyllën në dhomë dhe nuk më linin të dilja derisa të pranoja të martohesha me burrin e premtuar. Më duhej të trokisja në derë në mënyrë që ata ta hapnin e të më linin të shkoja në tualet ose të ëm sillnin për të ngrënë.

“Si përfundim thashë po në mënyrë që të mund të planifikoja arratisjen time. Ishte vëllai i shoqes sime të ngushtë ai që më ndihmoi të arratisesha duke u kthyer kështu në të dashurin tim sekret. Ai kishte para dhe më tha se më donte e se do të më ndihmonte të arratisesha në mënyrë që të ishim bashkë. Ne mundëm të arratiseshim sëbashku në Newcastle, por aty unë përjetova humbjen më të madhe të jetës sime. I telefonova nënës sime dhe përgjigja e saj la shenjë përgjithnjë në zemrën time. “Kthehu në shtëpi dhe martohu me atë që të kemi zgjedhur ne ose në sytë tanë do jesh e vdekur”, u shpreh ajo.

“Unë tashmë jam 51 vjeç dhe kam 3 fëmijë. Nuk kam marrë as edhe një kartolinë urimi ditëlindjeje për 35 vite. Kur vjen puna tek ana e familjes së nënës së tyre, fëmijët e mi nuk dinë asgjë. Nuk dua të më vijnë as në funeral sepse e di që janë të mbushur me hipokrizi brenda vetes së tyre”, shtoi Jasvinder.

Ne kemi ndihmuar në kthimin e martesave të detyruara në vepër penale. Nuk kemi ende përgjigje nga profesionistë, por jemi duke rritur raportimet e këtyre rasteve. Ky është abuzim, nuk është pjesë e kulturës. Abuzimi është abuzim.

 


Përgjigju